Crypto me ab Money Laundering Charge

 

“Crypto me ab Money Laundering
Charge?”

 

Crypto Money Laundering Charge

Crypto trading aur
investment mai kaafi baar humne scam aur fraud ke baare mai suna hai…kabhi
exchanges dawara toh kabhi intermediaries ke through.Interestingly, bhale hi
crypto legalize nahi hua ho ab tak lekin government ne fraud aur scam ko rokne
ke liye action lena shuru kar dia hai. Jee haan, ab crypto ko Money Laundering
Act ke under le liya gaya hai…Toh abse crypto mai kuch bhi fraud ya jhol-mal ho
toh uspar money laundering ke charges lagenge…

 

Government ne pichle ek do saal mai Crypto
World ko Control karne ke liye kaafi kuch kia hai….

 

Crypto India mai shuru
se hi debatable topic raha hai…Crypto Bill ko Lok Sabha mai introduce bhi kia
gaya tha lekin ab bhi issey legalize nahi kia gaya hai. Jiska matlab hai hi
investor ko apne risk par hi iss mai trade karna hai…

 

Ab RBI toh iss virtual
asset ke hamesha se hi khilaaf tha aur phir jaise government ke rules aur
regulations aayien uss se bhi kuch government ki sehmaati nazar nahi aati…

 

Ab Crypto se related Taxation ko hi dekh lo

Niyam ke
anusaar agar aap taxable limit ke andar aate hain that is below Rs. 2,50,000
toh bhi aapse 30% tax (plus cess aur surcharges) liya ja raha hai– thik ussi
prakar jiss tarah horse racing aur dusre speculative trading ya gambling par
liya jaata hai.

Iske alawa aap apne crypto losses ko carry forward nahi
kar sakte hain..For example, agar aapko iss financial year 2,00,000 ka loss hua
hai toh aap ko tax nahi bharna hai lekin aa piss loss ko agle saal caryy
forward nahi kar sakte.

Aur crypto losses ko aap set off bhi nahi kar sakte hain.
Iska matlab hai ki agar aapko Bitcoin mai 2,00,000 ka loss hua hai aur dusre
investment se 10,00,000 ka profit, toh bhi aapko 10,00,000 ke profit par hi
taxes bharna padega. Well, because, crypto ko ‘asset class’ ka darja nahi,
balki speculative gaming ke andar categorize kia gaya hai!

Aur iske alawa crypto mai TDS bhi hai

Agar aap saal mai 10,000 se zyada trade karte hain ya
aapko 10,000 se zyada rakam ka digital virtual asset gift mai bhi milta hai,
toh aise cases mai 1% TDS cut kia jayega. TDS cut karne ka main purpose yehi
hai ki har ek transaction ko track kia jaye. Yeh TDS waala rule July 1, 2022 se
lagu ho gaya hai.

Aur ab crypto ko Money laundering Act ke
andar laake kaafi saare diktat badh gayein hain

Kyunki ab Crypto exchanges aur intermediaries ko apne
users se KYC bharwaana padega

Aur har suspicious activity ko Financial Intelligence Unit
of India ko report karna padega.

Iske alawa har reporting entity ko har transaction ka
record rakhna padega….

Jis tarah se government yeh naye tarike se crypto world
aur uske trade par eagle ke tarah nazar rakhne ke koshish kar rahi hai zaahir
hai, government kahin na kahin iss par standard way mai rok laga rahi
hai…Government ke intention indirectly crypto ke khilaaf kyun na ho lekin saath
toh bilkul hi nahi hai…

Pichle 2 saal se crypto ko India mai sirf restrictions aur
alag alag tarike ke diktat ka saamna karna pad raha hai..kahin bhi koi rahat
nahi mili hai, aur legalization, uska toh raasta ab bhi dur dur tak nahi dikhai
de raha hai..Yeh toh bas shuruwaat hai aage aage dekho hota hai kya…Tabhi toh
professional investors aise instrument se dur rehte hain aur asset class aur
stock market mai hi invest karte hain…Aakhir stock market mai bhi investors 3
din mai 30 se 40% kama lete hain. Rajiv Jain ko hi dekh lo, Adani ke crisis mai
bhi inhone buy karke 3 din mai 3,100 crore kamaya….

Leave a Comment

Your email address will not be published. Required fields are marked *

Scroll to Top